ބްރާސީލިޔާ: އީރާނުގެ ހުޅަނގަށް ފުށުއަރާފައިވާކަމަށް ބުނާ ނިއުކްލިއަރ ޕްރޮގްރާމުގެ މައްސަލައިގާ އދ. މެދުވެރިކޮށް އީރާނަށް އަދަބުދިނުމާއިބެހޭގޮތުން ބްރެޒިލްއާއި ޖަރުމަނުގެ ޚާރިޖީ ވަޒީރު ވަރަށް ވަރުގަދައަށް ޒުވާބުކުރައްވައިފިއެވެ. އެގޮތުން ބްރެޒިލްގެ ސެލްސޯ އާމޯރިކް އާއި ޖަރުމަނުގެ ގީޑޯ ވެސްޓަރވެލްއާއި ދެބޭފުޅުން ވާހަކަފުޅު ދައްކަވަމުން ކަންތަކަކަށް އެއްބަސްވެ ވަޑައިގަންނަވަން ޖެހުނީއެވެ.

އާމޯރިމްއާއި ވެސްޓަރވެލްއާ ދެބޭފުޅުންވެސް އެއްބަސްވެ ވަޑައިގެންފައިވަނީ، ނިއުކްލިއަރ އާބާރެއް އޮތުމުގެ މުހިންމުކަން ބޮޑުކަމުގައެވެ. ނަމަވެސް އަދަބުދިނުމުގެ މައްސަލައާއި ހިސާބަށް ދިއުމުން ދެބަސްވީއެވެ.

ދެބޭފުޅުންވެސް އެއްބަސްވެވަޑައިގަތީ ، އީރާނުގެ ނިއުކްލިއަރ ޕްރޮގްރާމަކީ ބައިނަލްއަޤްވާމީ މުޖުތަމައަށް ދެފުށްފެންނަ އެއްޗެއްގެގޮތުގައި ސާފުވެފައި އޮތުމަށެވެ. އެހެންނަމަވެސް އީރާނުން މަޝްވަރާކުރުމަށް ތައްޔާރުވެގެން ތިބުމަކީ ހުރިހާ ފަރާތެއްގެވެސް މައިގަނޑު އެދުންކަމުގައެވެ.

މިބޭފުޅުން ވިދާޅުވިގޮތުގައި، އީރާނާއި މަޝްވަރާ ނުކުރާންވީ ސަބަބެއް ނެތެވެ. އަދި ރަހްމަތްތެރިކަމަކާއި އޯގާތެރިކަމެއްގެ އިތުރުން، ދުލެއް ދިނުމަކީ މުހިންމު ކަމެއްކަމުގައެވެ. އެއީ އީރާނުގެ މިޕްރޮގްރާމުގެ މައްސަލައިގާ އުފެދެމުންދާ ދެކޮޅުވެރިކަމާއި، ހަސަދަ ފިލުވާލާ އީރާންގެ ރައްޔިތުންނަށް ވޭނަކަށް ނުވާނޭ ގޮތުގެމަތިން މިމައްސަލައަށް ސުލްހަވެރި ހައްލެއް ހޯދުމުގެ މަގުސަދުގައި ކަމުގައެވެ.