މިހާރު މާލޭގައި ކުރިއަށްދާ ސަރުކާރު އޮފީސްތަކާއި އަމިއްލަ ކުންފުނިތަކުގެ 13 ވަނަ ބާސްކެޓްބޯޅަ މުބާރާތުގެ ސެމީފައިނަލްގެ ފުރަތަމަ މެޗް މިރޭ ކުޅޭނެއެވެ. މިމެޗްގައި ބައްދަލުކުރާ ދެޓީމަކީ އިމިގްރޭޝަންގެ ޓީމާއި އެއަރޕޯޓްސްގެ ޓީމެވެ. މިމެޗް ފެށުމަށް ހަމަޖެހިފައިވަނީ މިރޭ 8:30 ގައި އެކުވެނި އައުޓްޑޯ ކޯޓުގައެވެ.

މުބާރާތުގެ ދެވަނަޓީމެއްގެގޮތުގައި މިހާރު ސެމީފައިނަލަށް ދަތުރުކޮށްފައިވާ އަނެއްޓީމަކީ، އެމްއެންޑީއެފްގެ ޓީމެވެ. އެމްއެންޑީއެފްގެ ޓީމް ސެމީފައިނަލުން ޖާގަހޯދީ އައިލެންޑް އޭވިއޭޝަނާއި ދެކޮޅަށް ކުޅުނުމެޗް ކާމިޔާބު ކޮށްގެންނެވެ. އެމްއެންޑީއެފް މިމެޗް ކާމިޔާބުކުރީ 77 ޕޮއިންޓް 36 ޕޮއިންޓްގެ ބޮޑު ތަފާތަކުންނެވެ.

ސެމީ ފައިނަލް މެޗުގައި ދިވެހި ސިފައިން ބައްދަލުކުރަންޖެހެނީ ޕޮލިސް ކްލަބްގެ ބާސްކެޓް ޓީމާއެވެ.

މިމެޗު އޮންނާނީ މާދަމާރޭ 8:30 ގައި އެކުވެނި އައުޓްޑޯ ކޯޓުގައެވެ.