ނަޝީދެއް އުދުހެލީހެ ރަބީޢުގައި ކުރި، މުޅި ދުނިޔެ ރޯޝަން
    ނަސީބާ ނިޢުމަތުގެ ވައިރޯޅި ހިނިތުން ކޮއްލިއޭރު ޒަމަން

ކަރުނައަޅަމުން މިބިން ޝިރުކުގެ ބަލީގައި ނެތިޝިފާ ދިޔަހާ
    ޤަރުނުތަކުގައި ލިބުނު އަފްސޫސު މޮޅިވެރިކޮއްބަލާށެ ވަޒަން

ޖަހާލަތް އޭރު ކިހިނެއްހޭ، ޢަޤީދާތައް ޝިކާރަ ކުރީ
    ވަހާކުލަ އިޖްތިމާޢީ ގެއްލިދިއުމުން، އިންދިރާސްވެ ޗަމަން

އެހިތްދަތި ރޭތަކުގެ އިޙްސާސުގައި ކުރި ދުނިޔެޝަކުވާތައް
    އެހީތަ، ރަބީޢު ވެރިކޮއްލީ، މިޒާރަށް ނިޢުމަތާއި  އަމަން

ޞަބާޙުގެ ރޯޅި ހިނިތުންކޮއްލިގޮތް، މާތައް ވިލާވަރު ގައި
    ކޮބާ، ދެކެލީންހެ، ސާފުނަދާ، ފެށީ ފިޔަތައްމަތީ ފިރުމަން

ޙިރާގެ ވުޖޫދު ތައުޙީދުގެ ޝުޢާޢުން ބެބުޅިލީ ކިހިނެއް،
    ބިރާ ފުރެދުމުގެ މިޙަޔާތުން ފިލާ  ނާމާންކަމާ  ބަނަކަން

ކައުނު އުފަލުން ސަނާނުކިޔާހެ، ހިނިތުންވީ ހިނދުން ޢާލަމް
    ޝައުޤުވެރިނޫރު އުފުޤުން އުދަވުމުން، ރަޙުމަތުގެ މާތްނޫރަން

އެހިނދުއައި މަރުޙަބާގެ ނިދާ، މިޢާލަމް ގުގުމަމުން ފަތިހަށް
    އެހިރިޔާ ފާތުރާށައެކީ ވެގެން ދިޔައީ، ދުނިޔެ ކިޔަމަން

އެޖާހުން އައި ސަޢާދާ ރަމްޒުކުރި މަޙެފިލްގެ މަންބަޢުގައި
    އެޖާހިލް ހިޔަނިފުހެ، ތެދުމަގުގެ އިރު ނުފަށާހެ ސާފުވިދަން

ތަރާނާ ހެޔޮނަޞީބުގެ އުދުހި ވަޙްދާނީ ކަލިމަ އުހުލައި
    ޤަރާރުކުރީހެ ޢާލަމުގައި ޙަޔާތުގެ ޢިއްޒަތާ ކައުކަން

ރިސާލަތް ރަޙުމަތުގެ ކޮއްލައިފި ދުނިޔެ އެކީ ބަދަލް އެހިނދުން
    ނިޝާންތައް "އުސްވަތުންޙަސަނާ"ގެ،ފެށުމުން އުދަރެހުން ފެންނަން

މުޙައްމަދު މުޞްތަފާށަވެދުން، ސަލާމާ އަބަދު ޞަލަވާތުން
    މުޙައްބަތްތެރި ހިތުގެ ތަޢުޒީމުގައި ލޯތްބާއެކީ ފޮނުވަން