މެލޭޝިޔާގަައި ކިޔަވަމުންދާ ދިވެހި ކިޔަވާ ކުދިންގެމެދުގައި އެކުވެރިކަން އާލާކުރުމުގެގޮތުން ބޭއްވި ބިލިޔާޑު މުބާރާތް "ދިޕޫލް 2010" ވަރަށް ފޯރިގަދަ މެޗުތަކަކަށްފަހު ނިމިއްޖެއެވެ.

ޖުމްލަ 72 ކުޅުންތެރިން ބައިވެރިވި މިމުބާރާތް ކުރިޔަށްދިޔައީ އަންހެން އަދި ފިރިހެން ދެޑިވިޝަން ވަކިންނެވެ. މިމުބާރާތުގެ ފިރިހެން ޑިވިޝަންގެ ފައިނަލްގައި ވާދަކުރީ އަހުމަދު ސައީދުއާއި މުހައްމަދު އަޒުވަރުއެވެ. އަދި އަންހެން ޑިވިޝަންގެ ފައިނަލްގައި ވާދަކުރީ ހަމްދާ މުހައްމަދާއި މާޝާ ލުތުފީއެވެ. ފިރިހެން ޑިވިޝަންގެ ޗެމްޕިއަންކަން ހޯދާފައިވަނީ މުޙައްމަދު އަޒުވަރުއެވެ. އަދި އަންހެން ޑިވިޝަންގެ ޗެމްޕިއަންކަން ހޯދާފައިވަނީ މާޝާ ލުތުފީއެވެ.

ނުވަގަޑިއިރަށް ދެމިގެންދިޔަ މިމުބާރާތުގެ ކޮންމެބަޔަކުންވެސް އެންމެމޮޅު ކުޅުންތެރިޔާ އަދި ދެވަނަ ކުޅުންތެރިޔާ ހޮވި މިމުބާރާތުގައި، ވަނަވަނައަށްއައި ފަރާތަކަށް ފައިސާގެ އިނާމާއި ޓްރޮފީ ހަވާލުކުރެއްވީ މިމުބާރާތުގެ މެއިން ސްޕޮންސާކަމުގައިވާ މެލޭޝިޔާގެ ޔޫ.ސީ.އެސް.އައި ޔުނިވާސިޓީގެ އޮފިޝަލުންނާއި އަދި މުބާރާތުގެ ޗީފްގެސްޓް، މޯލްޑިވުްސް ހައިކޮމިޝަންގެ ކައުންސެލަރ އަލްފާޟިލާ ފަރުޒާނާ ޒާހިރުއެވެ.