ގުއެއްޓާ: ގުއެއްޓާގެ ފުލުހުންގެ ވެރިޔާ ވިދާޅުވިގޮތުގައި، ތާލިބާނުންގެ އިސްވެރިން އެހިސާބުގައި އުޅެމުންދާކަމަކަށް ގަބޫލެއް ނުކުރެވެއެވެ. އޭނާ ވިދާޅުވީ އެމެރިކާއިން ތުހުމަތުކުރާފަދައިން ތާލިބާނުންނާއި އަލްގައިދާގެ ލީޑަރުން އެހިސާބުގައި އުޅޭނަމަ އެމީހުން ކޮންމެވެސް ވަރަކަށް ނުފެނި ނުދާނެ ކަމުގައެވެ.

ފުލުހުންގެ ވެރިޔާ އާބިދް ހުސައިން ނަޓްކާނީ ވިދާޅުވިގޮތުގައި އެންމެ މީހަކުވެސް ފާހަގަކޮށްލާފައި ދައްކާލައިފިނަމަ އޭނާ އެމީހަކު ހިފާ ހައްޔަރު ކުރައްވާނެއެވެ.

ހުޅަނގުގެ މީޑިޔާއިން ބުނިގޮތުގައި ގުއެއްޓާއާއި އެހިސާބުގެ ސަރަހައްދުތަކުގައި އޮންނަ 1.2 މިލިޔަން މީހުންގެ އާބާދީއާއި ސުވާލުކޮށް ކުރެވިފައިވާ އިންޓަވިއުތަކަށް ބަލާއިރު ބަލޫޗިސްތާނަކީ ތާލިބާނުންގެ ލީޑަރު މުއްލާ އުމަރާއި އޭނާގެ ހާއްސަ އެހީތެރިންގެ އިތުރުން ސަވާރީނެތި ފައިމަގުގައިއުޅޭ ހަނގުރާމަވެރިން ފިލާތިބޭ ހާއްޔެއް ކަމާއިމެދު ވަހުމް އުފެދޭ ކަމުގައެވެ. އަދި އެމީހުން އެތާނގައި އުޅުމަކީ އެކަށީގެންވާ ކަމެއްކަމަށް ދެކޭކަމުގައެވެ.

އެހިސާބުގައި މުއްލާއިންތައް ނެތްކަމަށް ދުށުމަކީ ވޮޝިންގޓަނާއި އިސްލާމް އާބާދުގެ ގުޅުމުގެ ނިމުމަކަށް ވެދާނެކަމާއިމެދުވެސް ސުވާލު އުފެދެއެވެ. ނަމަވެސް އުމަރު އެހިސާބުގައި ނޫޅޭނަމަވެސް ޕާކިސްތާނުގައި އެމެރިކާއާއިމެދު ގެއްލިފައިވާ އިހްތިރާމަކީ އެމެރިކާއަށް ބަލޫޗިސްތާނުގެ މުހިންމުކަން އޮތްވަރަށް ލިބޭވަރަށް ބޮޑު ދެރައެކެވެ. ސަބަބަކީ މިސަރަހައްދަކީ އެމެރިކާގެ އަފްޣާން ހަނގުރާމަކަމަށް ބުނާ ހަރަކާތްތަކަށް ވަރަށް އުފެއްދުންތެރި ހިސާބެކެވެ.