ޝްރީނަގަރް: އިންޑިޔާއާއި ޕާކިސްތާނަށް ބެހިފައިވާ ކަޝްމީރުގެ މައްސަލަތަކާއިމެދު ދެގައުމުން މަޝްވަރާ ކުރުމަށް ތައްޔާރުވަމުންދާއިރު، ދެގައުމު ވަކިވުމަށް ކަޝްމީރުކުރާ މަސައްކަތުގައި ހިތްހަމަޖެހުމެއް ލިބިދާނެކަމަށް ހީނުވާކަމުގެ ކުލަވަރުތައް ކަޝްމީރުން ފެންނަން ފަށައިފިއެވެ. ކަޝްމީރު މީހުން ބުނިގޮތުގައި، އެމީހުންނަށް އިންޑިޔާ ޕާކިސްތާނުގެ މަޝްވަރާތަކުން ނިކުމެދާނެ ނަތީޖާއަކާއިމެދު މާބޮޑު އުއްމީދެއް ނެތެވެ.

އިންޑިޔާއާއި ޕާކިސްތާން އަދި ބަނގްލަދޭޝް މިނިވަން 3 ގައުމުއަކަށް ބެހިގެންދިޔައިރު، ކަޝްމީރު ވެފައިވަނީ ދެގައުމަށް ބެހިގެންގޮސްފައިވާ ހިސާބަކަށެވެ. އަދި ކަޝްމީރުގެ މައްސަލާގައި ޕާކިސްތާނާއި އިންޑިޔާއާއި ދެމެދު ހޫނު ހަމަލާތައްވެސް ބަދަލުވެގެން ގޮސްފައިވެއެވެ. މިދެގައުމުގެ މެދުގައި ކަޝްމީރުގެ މައްސަލަވަނީ ވަރަށް ގޯސްވެފައެވެ. ކަޝްމީރު ބޭނުންވަނީ ދެގައުމަށް ބައިވެފައި އޮތުމުން މިނިވަންވެ އަމިއްލަތަނަކަށް ހެދުމަށެވެ. ނަމަވެސް ގުދުރަތީގޮތުން ކަޝްމީރު އޮންނަ ހިސާބު ދެބައިވުމުން ކަޝްމީރު ހިމެނިފައިވަނީ ދެގައުމަށް ބެހިފައިވާ ތަނެއްގެގޮތުގައެވެ.

ކަޝްމީރުގެ މައްސަލައިގާ މިހާތަނަށް ހިނގާފައިވާ ހަނގުރާމަތަކުގައި 47،000 އަށްވުރެ ގިނަމީހުން މަރުވެފައިވާކަމަށް ވެއެވެ. އަދި އިންޑިޔާ ފަޅިއަށް އޮންނަ ކަޝްމީރަކީ މުސްލިމް އަޣުލަބިއްޔަތު އޮންނަ ތަނަކަށް ވެފައިވުމުން، ދެބަޔަށް ބެހިފައިވާ މިސަރަހައްދު އިންޑިޔާއާއި ޕާކިސްތާނުން މިނިވަންވެ މުސްތަޤިއްލު ދައުލަތަކަށް ހެދުމަށް ކަޝްމީރު މީހުންދަނީ މަސައްކަތް ކުރަމުންނެވެ.