ވިލިވަރުބިޔާދޫ ވާހަކައަކީ މިހާރު ރާއްޖޭގައި އެންމެ ހިނގާ އެއްވާހަކައެވެ. ޓޫރިސްޓު ރިސޯޓުގެ ގޮތުގައި ތަރައްޤީކުރުމަށް އެތައްބަޔަކު ބިޑުހުށަހެޅި ދެރަށުގެ ކަންތައް ހިނގާފައިވަނީ ޢަދުލުވެރިގޮތަކަށޭ ބުނެވޭކަށްނެތެވެ. އެތައްބަޔަކު ބޮޑުޚަރަދުކޮށްގެން ހުށައެޅި ބިޑުތައް އިވެލުއޭޓުކުރީ ދުނިޔޭގެތާކު ދުވަހަކު ބަޔަކުނުކުރާހާ މޮޅަށްކަމަށް އޭރު ސަރުކާރުން އަޑުފެތުރިއެވެ. އެތައްބަޔަކު ފޭލިކޮށްލާ ދެފަރާތަކަށް ރަށްތައް ޙަވަލުކުރަން ނިންމީ ފިސާރި އަދުލުވެރިކަމާއެކުގައިކަމަށްވެއެވެ. ނަމަވެސް އެނިންމުމާހިތްހަމަނުޖެހިގެން ޝަރީޢަތައްގޮސް ކޯޓުއަމުރުނެރެ މަސައްކަތްހުއްޓުވާ ބޮޑުކަންތައްގަޑަކަށް އެކަންވެގެން ދިޔައީ އަބްދުﷲ ޖާބިރު ކެނޑިނޭޅި ހުށަހެޅި ޝަކުވާތަކާއި އުފުލިދަޢުވާ ތަކާ ހުރެއެވެ. މިކަންތައްގަޑު މިހާރު އޮތް ހާލަތަށް ދިޔައީ ޢަބްދުﷲ ޖާބިރު ޔާމީނުގެ ނިވަލުގައި ހުރެގެން ސަރުކާރުގެ މައްޗަށް ފޯރުވަމުންދިޔަ ބާރާއި ނުފޫޒުގެ ސަބަބުންނެވެ.

އަބްދުﷲ ޖަބިރަށް އަދުލުގެވެރި ބަދަލު ދިނުމަށް ނިންމިނިންމުމާއިގުޅިގެން މިހާރު މިވަނީ އިތުރު މައްސަލަތައް ކުރިމަތިވެ ނުނިކުމެވޭވަރަށް ވައުވަދެފައެވެ. ހުށައެޅި އެތައްބިޑެއްގެ ތެރެއިން ވަކިދެތިން ބިޑެއް އަލުން މުރާޖަޢާކުރިކުރުންވީ އެކަމަށް ކުރިމަތިލީ އެހެންމީހުންގެ ޙައްޤުތަކަކަށް އަރައިގަތުންކަމަށެވެ. ނަމަވެސް އެމީހުންގެ އަޑުއެހުމެއްނެތި ޖާބިރަށް ބަދަލުގެ ގޮތުގައި ދޭންކަނޑައެޅި ދެރަށަކީ އެދެރަށެއް ހޯދުމަށް ބިޑުކުރި ދެރަށަށްވުރެ އެތައްގުނައެއްބޮޑު ހަމަހަމަކަމެއްނެތް ދެރަށަށްވެގެން، އެހެން ދެރަށެއް ހުށައެޅުމުން ޖާބިރުބޮޑާހާކާ އެއިންރަށަކާ ހަވާލުވުމަށް ދެކޮޅުހަދާހެދުމަކީ ގަބޫލުކުރެވޭނެ ކަމެއްނޫނެވެ.

ޙަޤީޤަތުގައި ބަޔެއްގެ އިހުމާލުން ލިބޭގެއްލުމެއްގެ ޒިންމާ އުފުލަންޖެހޭނީ އެބަޔެކެވެ. ދޭންޖެހޭ ޢަދުލުވެރިބަދަލެއް ނަގައިދޭންޖެހޭނީ އިހުމާލުވީބައެއްގެ އަތުންނެވެ. ދައުލަތަކުންނޫނެވެ. ޢަދުލުވެރިބަދަލުގެނަމުގައި ދައުލަތުން ރަށެއް ޖާބިރަށް ދީގެންނުވާނެއެވެ. އަނެއްކޮޅުން ފޭލިވެފައިވާ އެހެން ބިޑުތައް މުރާޖަޢާނުކޮށް ޖާބިރުގެ އެކަންޏަށް ޢަދުލުވެރިބަދަލެއް ދެވިދާނެކަމަކަށް ޤަބޫލެއްނުކުރެވެއެވެ. ފޭލިވެފައިވާ ބިޑުތަކުގެތެރޭގައި މާއެކަށީގެންވާ ބިޑެއްވެސް ނޯންނާނެކަމަށް ގަބޫލުކުރެވޭވަރަށްވުރެ އިވެލުއޭޓުކުރުމުގައި އިހުމާލާއި އޮޅުވާލުން ހިންގާފައިވަކަމަށް ބެލުމުގެ ފުރުޞަތުއެބައޮތެވެ. ހުށައެޅުނު ހުރިހާބިޑު އަލުން މުރާޖަޢާނުކޮށް ޖާބިރަށް ރަށެއްދިނުމަކީ ކޮށްގެންވާނެ ކަމެއްނޫނެވެ.

ޢަބްދުﷲ ޔާމީނުގެ ހިޔަނީގައި ހުރެގެން ނުޙައްޤުން ރިސޯޓުތައް ހޯދާ ބާރުގަދަކުރަން އުޅޭއުޅުމަކީ ހުއްޓުވަންޖެހޭނެކަމެކެވެ. އަންނަ ރިޔާސީ އިންތިޚާބާ ދިމާކޮށް މައުމޫނުބޮލަށް ސަވާރުވެގެން ހައްޤުނޫން އެއްޗެއް ޖާބިރުހޯދަން އުޅޭއުޅުން ހުއްޓުވަންޖެހެއެވެ. މުޅި ޤައުމުގައި ޖަބިރުމެންގެ ހަންފެތުރުން ހުއްޓުވާ ސައިޒަށް ތިރިކުރުމަކީ މިއަދު ކުރަންޖެހިފައިވާ ކަމެކެވެ.

މިފްކޯގެ ތިޖޫރީތަކުން ވަގުނޫޓުހިލި މަސްވެރިންނަށް ޣައްދާރުވީ ބަޔެއްގެ ތެރޭގައި އިސްވެރިޔަކަށް ހުރެފައި ކުއްލިގޮތަކަށް އިސްތިޢުފާދީ އެއްފަރާތްވުމަކުން ޖަވާބުދާރީވާންނުޖެހޭނެގޮތެއް ނޯންނާނެއެވެ. މަކަރާ ހީލަތުން ޤައުމުގެ މިލްކިއްޔާތު އަތްދަށުލުމަށް އެއްވެސް މީހަކަށް ފުރުޞަތުދީގެނެއް ނުވާނެއެވެ. އަދުލުވެރިބަދަލޭ ކިޔަސް، މަކަރާހީލަތޭކިޔަސް ފަރުވާލެއްނެތެވެ.

ކްލަބުވެލެންސިޔާއަށް ހުވަފެންދައްކައިގެން ރާއްޖޭގެ ޒުވާނުން އަތްދަށުލުމަށް ޖެހިމަރުސަކަރާތުގެ ހުރިހާ ގެއްލުމެއް އެވަނީ އެކުލަބަށެވެ. އަނެއްކޮޅުން އަމިއްލަ ޕްރޮޕެގެންޑާ މެޝިނަކަށް ފިއެސް މަޖައްލާހަދައިގެން ނޫސްވެރިކަން ހިޞާރުކުރަން ފޫގެޅިޔަސް އާޚިރުގައި އަތައްގޮވުންނޫންކަމެއް ޖާބިރަކަށް ނުވާނެއެވެ. ކުޅިވަރާއި ނޫސްވެރިކަމަކީ ޖާބިރުމެންކަހަލަ ފަސާދައިގެ އަހުލުވެރިންނަށް އޭގެން އެއްވެސް ފައިދާއެއް ކުރާނެ ތަކެއްޗެއްނޫނެވެ. ޢަމްދުން އެތަކެއްޗާއެކު ޖާބިރަށް ޓޮލަރޭޓުކުރެވުމަކީ ވާނެކަމެއްނޫނެވެ. ފަސާދައިން އެއްކިބާވެ ހުރެގެންނޫނީ ކުޅިވަރާއި ނޫސްވެރިކަމުގައި ހިފަހައްޓައެއްނުލެވޭނެއެވެ. ކިތަންމެ ވަރުގަދަ ޤާނޫނީވަކީލަކު އަނތްބަކަށް އިނަސް ދަމާކެނޑުން ކަށީގައި ހިފާފައިހުރުމުން އަބަދުވެސް ޖެހޭނި ދަމާކަނޑާށެވެ. ޑީލްތައް ހޯދަންޖެހޭނީ ކޯޓުދޮރުމަތިންނެވެ. އިތުބާރުހުރި އެއްވެސް މުޢަމަލާތެއް ކުރެވުމަކީ މުސްތަޙީލުކަމެކެވެ.